شعب
يامل في ديكتاتور عادل ( الطبع غالب )
المشير
عبد الفتاح السيسي
يا مشير لماذا مشير ؟ اتذكر عندما منح مندوب الارشادية ( مرسي ) نفسه
الاوسمة و النياشين .
كنت من الناس اللي ناصرت المجلس العسكري و
لكن بعد فضيحة تهريب الاجانب وصلت للحق و الحق احق ان يتبع ان المجلس العسكري لم
ينجز اي تغيير و استمر في اسلوب الادارة الفاشل . اليوم تعاد علينا !!!! اللواء
عبد الفتاح السيسي لم ينجح بشكل كامل في محاربة الارهاب و عايز يبقى رئيس فيقوم
يترقى علشان يكون دا التكريم الذي يسبق ترشح سيادته للرئاسه . بلدي قوي الحركة دي
.
 |
| الصورة من الانترنت |
الجيش :
كامل التقدير و الحب للجيش المصري العظيم .
من مواطن مصري تربى على ان سياتي يوم و يكون فيه واحد من الناس اللي هايحرروا
القدس . الشعب عماد الجيش فمن غيرنا ما فيش جيش . هل يعامل اعضاء هذه المؤسسه نفس
معاملة باقي افراد الشعب ؟ مرتبات ؟ مواصلات ؟ اتمنى ان يكون الجيش صريح و يؤكد
على انه لا يفضل ان يحكم مصر مدني و مش مشكلتنا ان الرئيس المدني اللي جالنا
بالغلط طلع خاين و فاشل .
 |
| الصورة معبرة جدا ( الصورة من الانترنت ) |
هل انا اكره السيسي ؟
لا طبعا انا لا اكره الرجل . احترم السيسي
جدا ببساطة الرجل قام بعمله و كم من المصريين من غلابة بيقوموا بعملهم و ما حدش
بيطبل ليهم . منهم الفلاحين لسه انت بتاكل ؟ سواقين النقل العام و القطارات ؟ و ما
حدش بيفكر فيهم و لا حتى بيشكرهم .
 |
| الصورة من الانترنت |
هل كان يستطيع الجيش الوقوف ضد رغبة المصريين
في الثورتين ضد مبارك او ضد اخوان بني صهيون ؟
هههههههههههههههه . مستحيل .
طبعا البق الوطني هايتقال ( مش ممكن علشان
جيشنا وطني ) و انا احسبه كذلك . و لكن السؤال بميزان القوة هل يستطيع ؟ مستحيل و
سيهزم . و هنا نرجع للسؤال الاول .
 |
| تحية للثائر المجهول ( الصورة من الانترنت ) |
الديموقراطية و محاسبة الحكام .
شعب عانى من الفساد و الظلم و القهر و مازال
يامل في ديكتاتور عادل ؟ شعب عايز يريح دماغه . بالرغم انه صاحب الحق و يقدر يحاسب
الكل . طيب ليه نسيب بلدنا ؟ ما نقف و نحاسب الناس و نعرفهم انهم بيشتغلوا عند
الشعب علشان بعد كده يعملوا لصالح الشعب مش لصالح الكراسي و المناصب . و لكن هذا
الشعب لو لم يجد ما وعد به طال الزمن او قل هايخرج ثالث و عاشر . الحق احق ان يتبع
.
 |
| بلد بتاكل ولادها و ترميهم في البحر و طابور العطاله كبير |
اخوان بني صهيون .
لم يشاركوا في الثورة و يصرون على افشالها و يستميتون على الكراسي . ( من طلب عزا بظلم اورثه الله ذلا بحق ). هم السبب
الرئيسي لدخول الامن الجامعه . هم السبب الرئيسي في التفاف الشعب حول المشير عبد
الفتاح السيسي . طبعا يكفينا في غبائهم انهم جماعة نشات دعوية منذ 80 عاما تقريبا
ثم انتقلت الى التطرف و الاغتيالات و انتهت بفشل ما بعده فشل في اول تواجد سياسي
لها و بشكل قانوني و بعد ان ثار عليها الشعب لجأت لاساليبها القديمه .
السيسي و طريق النجاح .
بص يا سيدي الموضوع في غاية البساطة
انت تسيب كل الكلام الفارغ اللي انت اتعلمته
. قصدي اللي انت اتسقيته . الكلام دا بينقلنا من فشل لفشل و لو مشيت عليه هاتفشل
زي اللي قبلك و احنا مش حمل فشلك او فشل غيرك و ادينا بنساعد علشان خاطر البلد و
الناس الغلابه .
معادلة النجاح .
الوطن = مواطن ( الزبون دايما على حق ) عيش حرية عدالة اجتماعية كرامة انسانية .
الى كل مصري حر . ما تخافش من اي حد ربك موجود .
الثورة مستمرة . لنا الله
 |
