#حديث_الخميس
هو ايه الدور اللي ماشي....
قبل كام يوم سمعت حديث للدكتور عوض تاج الدين عن تفسيراته لدور البرد اللي ماشي و اللي كانت كله تمام و دور برد عادي و محدش يقلق و الأمور على ما يرام.... الحل العادي ادفن راسك في الرمل و اعمل نفسك مش شايف.
من ناحية أخرى مش اقولك انا متخصص في علوم المناعة اكتر من الدكتور تاج الدين انا هكلمك كمريض..... دور البرد في حد ذاته وصل معايا ٤٠ يوم و مازلت بعدها اعاني من نوبات كحة و عودة دور البرد.
مناعتك ضعيفة .... بس يا .....
عادة احنا في مصر معندناش اي رد فعل علمي ناحية اي حاجة غير لما تطلع مصايب آخرها كانت الكولرا في جنوب مصر و اللي التحاليل بتاعته بعد مدة قالت إنها مش كولرا و حط تحت كلمة مدة مائة خط لأن التأخير في التعامل مع المشكلة مش هيطلعلك نتيجة إيجابية 🙃.
المهم احنا دلوقت معندناش اي تفسير قائم على دليل علمي يقول ايه طبيعة دور البرد اللي ماشي 😡 و دا لأن عقلية الطبيب ما يهموش قوي حكاية السبب هو دور برد و بندي دواء و خلاص. .... فشل ما بعده فشل.
بالبحث عالميا.....
لقيت ان حدة الفيروسات المسببة لنزلات البرد عالميا زيادة يعني دور البرد السنة دي هيبقى اقوى و معدلات الانتشار أعلى بكتير من السنوات اللي فاتت ففرص الإصابة أعلى.
نخش بقى على متحور الكورونا الجديد ما يخوفش و لكن .... قلت قبل كدة ان لازم نفضل خايفين من المناعة اللي بتنتج من الكورونا سواء إصابة او تطعيم لأن معظمها معتمد على الخلايا التائية. التخلص من الدور دا بياخد وقت مع إمكانية الإصابة بالحساسية و سوء الأحوال الجوية و تكرر العدوى من الفيروسات اللي احنا قلنا انها بقت أشد دا مخلي الدنيا سيئة.
طيب نعمل ايه طالما المسؤول طلع مش مسؤول و العلاج كتير و طويل و غالي...
ادخل المطبخ.
المشروبات الساخنة.
ينسون
نعناع
جنزبيل ( زنجبيل )
قرفة
شاي و زعتر
قرنفل
المشروبات الباردة
لمون
برتقال
جنزبيل ( زنجبيل )
نعناع
ممكن تخلط المشروبات بالشكل اللي انت تحبه. المشروبات دي بتعالج الكحة و تنضف الصدر.
ليست هناك تعليقات:
إرسال تعليق